Impuzamashyaka ‘Burundi Bwa Bose’ imyiteguro y’amatora irarimbanyije ni amatora arimo ay’abagize Inteko Ishinga Amategeko agomba kuba mu mezi 2 ari imbere, iyi mpuzamashyaka iravuga ko ashobora kutaba bitewe n’uko igitoro gikomeje kubura mu Burundi.
Ni ibyashyizwe ahagaragara na Kefa Nibizi,umunyamabanga Mukuru w’iyi mpuzamashyaka abinyujije mu itangazo rigenewe abanyamakuru.
Iki gihugu kimaze imyaka irenga 2 cyugarijwe n’ibura ry’ibikomoka kuri Peteroli; ndetse n’umukuru w’igihugu Evariste Ndayishimiye yemeje ko iki kibazo ari ingutu muri iki gihugu.
Ashinja Sosiyete ya SOPEBU ifite soko ryo gucuruza peterol mu Burundi ariyo ituma iigitoro kibura kuko ikigurisha mu buryo butemewe n’amategeko. Yongeraho ko kandi iki gihugu cy’ugarijwe na Ruswa.
Perezida ubwe aherutse kiyemerera ko yatanze ruswa ya miliyoni 4 z’amarundi muri iyo Sosiyete ya ngo bakunde bamuhe litiro 10,000 za lisansi.
Impuzamashyaka Burundi Bwa Bose rero yashishikarije abenegihugu bose kwemeza “Inteko Ishinga Amategeko yigenga igizwe ahanini n’abatavuga rumwe n’ubutegetsi, izatuma habaho ibiganiro by’ukuri, n’abasanzwe ku butegetsi n’abifuza ko ibintu bihinduka, kugira ngo ubutunzi bw’igihugu busubire kugira itoto.”
Yakomeje ivuga ko ibi bizatuma hategurwa neza amatora y’Umukuru w’Igihugu ateganyijwe kuba mu2027.
Gusa Komisiyo y’Igenga y’Amatora mu Burundi yagaraje ko igitoro kitari mu byakabaye bituma amatora asubikwa .
