Ikipe y’Ingabo z’igihugu yegukanye igikombe cya shampiyona 2024-25 Imaze gutsinda Muhazi United igitego 1-0, maze icyegukana ku nshuro ya 23.
Ni mu mikino y’umunsi wa 29 yabaye kuri uyu wa Gatandatu tariki ya 24 Gicurasi 2025. Imikino yari ihanzwe amaso, ni iy’amakipe ahanganiye igikombe cya shampiyona, maze APR FC irakegukana.
Ibi byose yabigezeho nyuma yo gutsinda Muhazi United igitego 1-0 cyatsinzwe na rutahizamu Djibril Quattara ku munota wa 39.
Kuri Kigali Pelé Stadium, Rayon Sports nayo yari yacakiranye na Vision FC maze bagwa miswi 0-0, bituma Nyamukandagira iyirusha amanota ane, ihita itakaza igikombe cya shampiyona y’uyu mwaka w’imikino.
Iki gikombe ni icya 23 cya shampiyona ikipe APR FC yegukanye . Undi mukino wabaye, warangiye Bugesera FC itsinze Etincelles FC igitego 1-0 mu mukino wabereye kuri Stade Umuganda.
Mu mikino y’umunsi wa 30, APR FC y’Ingabo izakina na Musanze FC kuri Kigali Pelé Stadium mu gihe Rayon Sports izakina na Gorilla FC.
APR FC yigeze kuba iya nyuma ku rutonde rwa Shampiyona y’u Rwanda ubwo yanasezererwaga mu mikino nyafurika y’amakipe yabaye aya mbere i wayo CAF champions League none birangiye ari yo yegukanye shampiona y’u rwanda y’uyu mwaka.
