Abaturage batatu barashwe n’umusirikare wo mu ngabo za Repubulika Iharanira Demokarasi ya Congo zirwanira mu mazi ziba mu kigo cya Banana giherereye muri Teritwari ya Muanda mu Ntara ya Kongo-Central, abasanze mu rusengero.
Bivugwa ko uyu musirikare yinjiye mu rusengero rw’itorero rya Bethesda Ministry kuri uyu wa 11 Gicurasi 2025, arangisha uwitwa Naomie, maze kubera gutinya abakirisitu barimo ntibamusubiza.
Uyu musirikare yahise arasa mu bakirisitu, babiri bahita bapfa, maze undi agwa mu bitaro bikuru bya Muanda kubera ibikomere. Ndetse yanakomerekeje abandi batatu.
Nicolas Kinduelo, Umuyobozi wungirije wa terirwari ya Muanda, yatangaje ko uyu musirikare yaje gufatwa n’abaturage bamurushije ibaraga.
Kuri ubu ari kuburanishirizwa mu rukiko Rwa Muanda kuva ejo Taliki 12 Gicurasi 2025 Hashingiwe ku ibwiriza ryatanzwe n’ubuyobozi bw’ikigo cya gisirikare cya Banana.
