Igitero k’iterabwoba cyagabwe mu gace ka Dosso muri Niger muri iki cyumweru, kimaze guhitana abasirikare bagera ku 10 abandi barindwi barakomereka.
Mu itangazo ryatambutse kuri radiyo y’igihugu, bemeje ko abapfuye ari 10 mu gihe amakuru ava mu nzego z’umutekano yahawe ibiro ntaramakuru Reuters avuga ko abapfuye bashobora kuba barenga uyu mubare.
Ni itangazo ryemeje ko ari “iterabwoba” gusa benshi mu bakigizemo uruhare baje kwicwa abanda bafatwa mpiri.
Muri iyi minsi ibihugu byibumbiye mu Sahel, birimo: Mali na Burkina Faso, ndetse n’igihugu cya Niger bihanganye n’inyeshyamba n’imitwe y’abajihadiste ifitanye isano na Al Qaeda na Leta ya Kisilam ari na yo ivugwaho kugaba ibi bitero muri Niger.
Inzego z’umutekano zatangaja ko abasirikare 18 baburiwe irengero kandi imodoka eshatu z’abashinzwe umutekano nazo zibiwe muri icyo gitero.
Reuter ivuga ko gukoresha za moto mu baturage mu duce tudatekanye, Guverinoma yategetse ko bihagarikwa ikoreshwa.
Mu kwezi gushize, abasirikare 12 barapfuye ndetse Abahinde batanu barashimutwa mu gitero cyabereye muri Niger hafi n’imbibi na Mali ndetse na Burkina Faso.
