Kuri uyu wa kabiri taliki 29 Mata 2025, ku isaha ya Saa 21:00 Kuri Sitade ya Emirates mu mujyi wa London mu bwongereza ikipe ya Arsenal igiye kwakira ikipe ya Paris Saint-Germain F.C mu mukino ubanza wo gushaka itike izerekeza mu mugi wa Munich ku mukino wa nyuma wa UEFA Champions League 2025.
Ni umukino uri Busifurwe na Slaviko Vincic umunya Slovenia
Iyi iraba ari inshuro ya gatandatu Arsenal na Paris SG, zihuye gusa mu mikino itanu ishize Arsenal idatsindwa kuko yatsinze imikino 2 inganya imikino 3.
Umukino Ikipe ya Arsenal iheruka guhriramo na Paris SG muri UEFA Champion League yayitsinze ibitego 2-0 kuri Stade ya Emirates
Paris SG yatsinzwe imikino itanu mu mikino itandatu iheruka gukina n’amakipe yo mu Bwongereza muri UEFA Champions League bivuze ko yatsinze umukino umwe wonyine.
Ni umukino kandi uraba uhanganishije muri ½ cya UEFA Champion League abatoza babiri bo mu Gihugu cya Espagne (Mikel Arteta wa Arsenal na Luis Enrique wa Paris SG), nyuma ya Carles Rexach (Barcelona) na Vicente del Bosque (Real Madrid) bahuye muri 2001-02 na Pep Guardiola (Bayern Munich) na Luis Enrique (Barcelona).
Ni Arsenal yageze muri ½ itsinze Real Madrid yo muri Espagne ibitego 5 kuri 1 ndetse na Paris Saint-Germain yahageze itsinze ikipe ya Aston Villa yo mu Bwongereza ibitego 5kuri 4 ku giteranyo k’imikino yombi ubanza n’uwo kwishyura.
