Guverinoma ya Repubulika Iharanira Demokarasi ya Congo yatangaje ko abantu benshi bapfiriye mu bwicanyi bwabereye i Goma umurwa mukuru w’intara ya Kivu y’Amajyaruguru, mu ijoro ryo ku wa 11 rishyira ku wa 12 Mata.
Minisiteri y’Ubutegetsi bw’Igihugu yasohoye itangazo rigaragaza ko nibura abantu barenga 50 baguye mu bitero leta ya Congo ivuga ko byateguwe na n’ihuriro rya AFC/M23.
Radio Okapi dukesha iyi nkuru, ikomeza igaragaza ko nibura abantu barenga 290 bahitanwe n’amasasu, abagore 72 bafashwe ku ngufu, 146 bakorewe iyicarubozo, mu gihe abandi amagana bamaze kuburirwa irengero. Hibwe kandi inka n’imodoka zirenga 2000 hagati ya taliki 6 na 11 Mata 2025.
Aya makuru Leta ya Congo iri kuyatangaza mu gihe hari umutekamo muke umaze igihe mu mujyi wa Goma, aho mu duce twa Ndosho, Kyeshero na Mugunga duhora twibasirwa n’amasasu kandi abahatuye bakamburwa ibyabo.
Nta kintu M23 iravuga kuri aya makuru, ahubwo yari yemeje ko FARDC n’abafatanyabikorwa bayo bashatse kwigarurira uyu mujyi wa Goma, ku rundi ruhande aya makuru Leta iyamaganira kure, ikavuga ko ari M23 yabikoze ibishaka.
