Umutwe wa M23 wagabye ibitero bikomeye ku ngabo za Leta ya Repubulika Iharanira Demokarasi ya Congo (FARDC) mu duce dutandukanye twa Kivu y’Amajyepfo.
Amakuru avuga ko M23 yigaruriye Centre ya Rusuku, yerekeza i Baraka. Mu Minembwe na Nyangezi, habaye indi mirwano ikaze hagati ya M23 n’ingabo za Leta zifatanyije na Wazalendo. FARDC na Wazalendo bateye ibirindiro bya M23 biherereye mu bilometero 20 uvuye i Bukavu, bituma intambara irushaho gukomera.
Nyuma y’amasaha menshi y’imirwano, bivugwa ko M23 yirukanywe muri Centre ya Munya izwi nka Nyangezi-Centre. Hari kandi amakuru avuga ko ingabo za Leta zaba zarishe bamwe mu baturage b’Abanyamulenge i Nyangezi, barimo abari mu rusengero n’abarimo barahinga.
