Kuri uyu wa Kabiri ushize, Ingabo z’u Buhinde na Pakistan zarasanyeho nyuma yo kugerageza gucengera mu Karere ka Poonch gaherereye mu majyaruguru ya Jammu na Kashmir, nkuko ibitangazamakuru byabitangaje, bisubiramo itangazo ry’Ingabo z’u Buhinde kuri uyu wa Gatatu, itariki 1 Mata 2025.
Iri tangazo rivuga ko igisasu cyaturikiye mu gace ka Krishna Ghati ubwo abantu bageragezaga gucengera baturutse hakurya y’umupaka, “bikurikirwa n’amasasu adafite ibisonanuro ndetse no kurenga k’u ihagarikwa ry’imirwano kw’Ingabo za Pakistan.”
Kuri uyu wa Gatatu, Ingabo z’u Buhinde zavuze ko ibintu byasubiye mu buryo kandi ko bikurikiranirwa hafi.
Itangazo ry’ingabo, ryatangajwe n’ibitangazamakuru, ryasabye ko hubahirizwa amasezerano yo guhagarika imirwano yongerewe ku itariki ya 25 Gashyantare 2021 hagati y’ibihugu byombi bituranye ” no kubungabunga amahoro ku murongo ubigabanya.”
Hagati aho, abashinzwe umutekano mu Buhinde bavuze ko bakajije umutekano mu karere ka Panjtirthi ka Jammu nyuma yo gukozanyaho n’abarwanyi bitwaje intwaro ku itariki ya 31 Werurwe.
U Buhinde na Pakistan byombi byiyitirira akarere kose ka Himalaya gafite akamaro gakomeye mu Ntara ya Kashmir, ubu yagabanijwemo ibice bitandukanye, biyobowe n’u Buhinde, Pakistan n’u Bushinwa.
