Abahinzi n’abarobyi 23 bapfuye abandi bashimutwa mu gitero bikekwa ko cyagabwe n’umutwe w’iterabwoba mu Majyaruguru y’igihugu.
Abaturage babwiye Reuters ko abarwanyi ba Boko Haram bageze mu gace bafata abahinzi n’abarobyi, bica 23 abandi benshi barashimutwa.
Abaturage bagerageje kujya gufata imirambo y’abaturage ariko abarwanyi ba Boko Haram barabirukana.
Mu kwezi gushize, Umuyobozi wa Leta ya Borno muri Nigeria yemeje ko Boko Haram yubuye ibitero no gushimuta abantu. Ni nyuma y’uko Leta yari yavuze ko aka gace yagasubijemo umutekano.
