Nyuma y’ikiruhuko k’imikino y’amakipe y’ibihugu mu marushanywa atandukanye irushanwa rya Premier league rikaba Shampiyona y’ikiciro cya mbere mu Bwongereza rirasubukurwa kuri uyu wa Kabiri taliki 01 Mata 2025 mu mwaka w’imikino 2024-2025.
Dore uko amakipe ari buhure.
Ku isaha ya saa 20:45 ikipe ya Arsenal irakira ikipe ya Fulham kuri stade Emirates Studium aho bivugwa ko rutahizamu w’umwongereza Bukayo SAKA ASHOBORA KUGARAGARA KURI UYU MUKINO
Kuri iyo saha kandi ikipe ya Wolverhampton Wanderers F.C iraba iri kwesurana na West Ham united ku kibuga cya Molineux Stadium.
Haraza kuba kandi undi mukino ukomeye uri buhuze ikipe ya Nottingham Forest na Manchester United ku kibuga cya Nottingham Forest, City Ground Studium ku isaha ya saa 21:00.
Kugeza ubu kuri uyu munsi wa 29 wa shampiyona uru rutonde ruyobowe n’ikipe ya Liverpool n’amanota 70 igakurikirwa n’ikipe ya Arsenal ifite amanota 58 ku mwanya wa gatatu hakaba ikipe ya Nottingham Forest ifite amanota 54 ku mwanya wa kane hakaza ikipe ya Chelsea ubu yibitseho amanota 49 ikurikirwa na Manchester city yo ifite amanota 48.
Ikipe ya nyuma kuri uru rutonde ni ikipe ya Southampton F.C kugeza ubu iifte amanota 9 yonyine bituma ishobora kumanuka mur cyiciro cya Kabiri nta gihindutse.