Mu mukino wo kwishyura muri kimwe cya kane k’irangiza mu Irushanwa rya UEFA Champions League wahuzaga ikipe ya Real Madrid na Arsenal urangiye Ikipe ya Arsenal yongeye kugarika Real Madrid iyitsinze ibitego 2 kuri 1.
Mu mukino wari wabanje i London kuri Emirates Stadium, Arsenal yari yatsinze Real Madrid ibitego 3 ku busa bamwe bavuga ko iyi kipe izwiho gutsinda aho rukomeye kuko yakunze kujya yishyura ibitego yatsinzwe mu mikino yo kwishyura ikishyura iturutse inyuma ibizwi nka La Remontada mu rurimi rw’ikespanyoro.
Kuri uyu wa 16 Mata ni bwo iyi kipe ya Real Madrid yakiraga Arsenal ku kibuga Santiago Bernabeu Benshi bavuga bati ishobora kuza gusezerera iyi kipe ikayitsinda iyiturutse inyuma.
Ku munota wa 65 ni bwo Bukayo Saka yatsinze igitego cya mbere byongera kwibutsa Real ko gukomeza bigisaba kurira umusozi.
Bidatinze myugariro Wiliam Saliba yakoze amakosa mu rubuga rw’amahina maze ku munota wa 67 Vinicius Junior ahita yishyura iki gitego.
Umukino waje kongerwaho iminota itanu maze ku munota wa 3 w’inyongera Gabriel Martinelli ashimangira insinzi ku bitego 2 kuri 1.
Muri rusange ubu ikipe ya Real Madrid isinzwe ibitego 5 kuri 1 mu mikino yombi ya kimwe cya 4 k’irangiza mu irushanwa rihuza amakipe yabaye ayambere ku Mugabane w’uburayi UEFAChamions League.
Ikipe ya Arsenal izacakirana na Paris Saint-Germain F.C muri kimwe cya Kabiri k’irangiza.
