Umukino wo kwishyura muri ½ cya Uefa Europa League ikipe ya Manchester united itsinze inyagira Ikipe ya Athletic Club de Bilbao ibitego 4 kuri kimwe ihita inagera ku mukino wanyuma.
Umukino ubanza n’ubundi Manchester United yari yatsinze Athletic Bilbao ibitego 3 ku busa ku kibuga cya Bilbao Estadio de San Mamés ari na cyo kizakinirwaho iyi Finali ya Europa League 2025.
Umukino wo kwishyura rero Manchester United yari itahiwe kwakira umukino wo kwishyura wabereye kuri sitade yayo ya Old Trafford ku isaha ya Saa 21:00.
Ni umuino watangiye ikipe ya Mnachester United irushwa cyane mu buryo bugaragara gusa na yo ikajya inyuzamo igasatira izamu.
Muri uko kurushwa yaje kwinjizwa igitego n’umukinnyi wa Athletic Bilbao Mikel Jauregizar ku munota wa 31 igice cya mbere kirangira gutyo.
Igice cya Kabiri n’ubundi Athletic Bilbao yari yamaze kwigarurira ikizere yakomeje gusatira cyane izamu rwa Mancester United gusa ntibyagira icyo bitanga. Ahubwo ikipe ya Manchester United yaje kwishyura iki gitego ku munota wa 72 gitsinzwe na Mason Tony Mount wari winjiye asimbuye ku mupira mwiza yari ahawe na Leny YORO.
Ntibyatinze maze imvura y’ibitego irisuka irisuka ku munota wa 80 Casemiro atsinda igitego cya Kabiri ku mupira yari ahawe na kapiteni Bruno Fernandez.
Ku munota wa 85 Rasmus Højlund ahawe umupira na Amad Diallo atsinda icya gatatu maze Mason Mount yongera gutsinda igitego kiba icy’agashinguracumu umukino urangira utyo.
Muri rusange imikino yombi isize ari ibitego 7 Bya Manchester United kuri 1 cya Athletic Club de Bilbao.
Umukino wa nyuma uzahuza ikipe ya Manchester United na Tottenham Hotspur F.C, ku wa Gatatu taliki 21 Gicurasi 2025 kuri Stade ya Estadio de San Mamés y’iyi kipe imaze gusezererwa na Mancester United.
