Perezida Paul Kagame yashimiye ikipe y’umupira w’amaguru ya Asrenal y’abagore nyuma y’uko yegukanye igikombe cy’amakipe yabaye aya mbere iwayo [UEFA Women Champions League] itsinze FC Barcelona y’abagore igitego 1-0.
Mu mukino waberaga i Lisbone muri Portugal ku wa 24 Gicurasi 2025, ubwo umunya-Suwede Stina Blackstanius, ku munota wa 74 w’umukino, ku mupira mwiza yari ahawe na Beth Mead yatsinze igitego giterura igikombe, ndstse ikomeza kuba ikipe yonyine mu Bwongereza yegukanye irushanwa Champions League.
Nyuma y’uyu mukino Perezida Kagame abinyujije kuri konti ye X yashimiye iyi kipe avuga ko yari ikwiye gutwara igikombe.
Yagize ati “Kuri Arsenal, kwegukana igikompe cya Uefa Women Champions League 2025, mwakoze. Murabikwiye.”
Arsenal WFC eyegukanye iki gikombe ku nshuro ya kabiri kuko yagitwaye bwa mbere mu mwaka w’imikino wa 2006/2007 iba ikipe ya mbere y’abagore yo mu Bwongerezeza icyegukanye
Ikipe ya Arsenal y’abagore yakoze ibyananiye basaza babo b’abagabo dore ko bo baherutse guhambirizwa na Paris-Saint Germain muri Champions League ikiciro cy’abagabo 2024-2025 bakaba nta gikombe na kimwe k’iburayi bafite mu kabati kabo
