Shampiona y’igihugu y’abongereza Premier League Liverpool iyishyizeho akadomo ku gikombe ku mukino wo ku munsi wa 33 yihanije Tottenham Hotspur maze yegukana igikombe cyayo cya 20 mu mateka yayo.
Ku Cyumweru Saa kumi nimwe n’iminota 30 ku kibuga cya Liverpool Anfield.
Ikipe ya Tottenham Hotspur ni yo yafunguye amazamu mbere ku munota wa 12 ku gitego cya Dominic Solanke ku mupira yari ahawe na James Madison.
Ku munota wa 16, Luis Diaz yahise yishyura ku mupira yari ahawe na Dominic Szoboszlai.
Ku munota wa 24 ihita ishyiramo igitego cya 2 gitsinzwe na Alexis Mac Allister ku mupira yari ahawe na Rayan Gravenberch.
Ku munota wa 34 Cody Gakpo ayitsinda icya 3, ku wa 63 Mohamed Salah atsinda icya 4 ku mupira yari ahawe na Dominic Szoboszlai. Destin Udogie yaje kwitsinda icya 5 umukino aba arinako urangira ari ibitego 5-1.
Liverpool yahise yegukana igikombe cya shampiyona mu gihe hakibura imikino 4 ngo irangire kuko imikino isigaye niyo yatsindwa, Arsenal iyikurikiye ntabwo yakuramo ikinyuranyo cy’amanota 15 ari hagati.
Ni igikombe cya 20 iyi kipe yegukanye aho ihise inganya na Manchester United mu gutwara ibikombe byinshi bya Premier League.
Ni igikorwa gikomeye Umutoza ALNE SLOT umwaka wa mbere w’imikino ageze muri iyi kipe ya Liverpool asimbuye Jurgen Kroop.
